އިދާރީ ޒިންމާ

 

މި އިދާރާގެ މުވައްޒިފުންނަކީ ޤާނޫނު ނަމްބަރު 7/2010 އިދާރީ ދާއިރާތައް ލާމަރުކަޒީ އުސޫލުން ހިންގުމުގެ ގާނޫނުގައި ބަޔާންކޮށްފައިވާ ފަދައިން ކައުންސިލްގެ މަސައްކަތްތައް ކުރުމުގައި ސިވިލްސަރވިސް ޤާނޫނާއި، ސިވިލްސަރވިސް ޤަވާޢިދުގެ ކޯޑް އޮފް ކޮންޑަކްޓާއި އެއްގޮތަށް މަސައްކަތް ކުރުމަށް ވަޒީފާގެ އެއްބަސްވުމުގައި ސޮއިކޮށްފައިވާ މުވައްޒިފުންނެވެ.

 

މުވައްޒިފުންނާއި މަސައްކަތްތައް ހަވާލުކޮށްފައިވާނީ މަސައްކަތްތައް ވަޒީފާ ބަޔާންގައި ލިޔެ، މުވައްޒިފާއި ސްޕަވައިޒަރު އެބަޔާނުގައި ސޮއިކުރެވިގެނެވެ. މުވައްޒިފާ ހަވާލުކުރެވިފައިވާ މަސައްކަތްތައް ޤަވާއިދުން ކުރަމުން ގެންދޭތޯ ސްޕަވައިޒަރު ބަލާ ކަށަވަރު ކުރާނެއެވެ. އަދި ރަގަޅު ކުރަންޖެހޭ ކަންކަން ދުވަހު ދުވަހަށް އިރުޝާދު ދެމުންގެންދާނެއެވެ.

 

މުއައްޒަފުން މަސައްކަތް ކުރާގޮތުގެ ފެންވަރު ބެލުމަށް ސިވިލްސަރވިސް ކޮމިޝަނުން ކަނޑައަޅުއްވާފައިވާ އުސޫލުތަކާއި އެއްގޮތްވާގޮތުގެ މަތިން ސުޕަވައިޒަރު މުއައްޒަފުންގެ ޕަރފޯމަންސް އެޕްރައިޒަލް ޤަވާއިދުން ފުރިހަމަ ކުރަމުން ގެންދާނެއެވެ.

 

ކައުންސިލުން ނިންމާ ނިންމުންތައް ޤާނޫނުތަކާއި ގަވާއިދުތަކާއި އުސޫލުތަކާއި އަދި ކައުންސިލްގެ އެސް.އޯ.ޕީއާއި އެއްގޮތްވާ ގޮތުގެ މަތިން ތަންފީޒު ކުރެވެމުންދާކަން ކަށަވަރުކުރުމަށް ކުރެވެމުންދާ ކަންކަން:

 

• ގަވާއިދުން ރައްޔިތުން ބައްދަލުވުންތައް ބާއްވާ ހިޔާލުފާޅު ކުރުމުގެ ފުރުޞަތު ދިނުމާއި މަޝްވަރާ ކުރުން
• އަތޮޅު ކައުންސިލުން ކުރިއަށް ގެންދާ މޮނިޓަރިން
• ތަރައްގީގެ ޕްލޭނަށް ޢަމަލުކުރެވެމުންދާގޮތުގެ ރިޕޯޓް ތައްޔާރުކޮށް ފޮނުވުމާއި އާންމު ކުރުން
• އަހަރީ ރިޕޯޓް ތައްޔާރު ކުރުމާއި ފޮނުވުމާއި އާންމު ކުރުން
• މާލީ ބަޔާން ތައްޔާރު ކުރުމާއި ފޮނުވުމާއި އާންމު ކުރުން
• ސިވިލްސަރވިސް ކޮމިޝަނުން ކުރިއަށް ގެންދާ ޕާފޯރމެންސް އޮޑިޓް
• އަހަރީ އޮޑިޓް